يردّ بالعامّية — شامية · مصرية · خليجية · مغاربية

كلّ مكالمة بتلاقي جواب.
حتّى بعد الدوام.

بيردّ بالعامّية على مدار الساعة: بيفهم، بيجاوب، بيحجز، وبيحوّل للقسم الصحيح. وإذا ما ردّ حدا — بياخد الرقم وبيضلّ يذكّرك لحدّ ما ترجعله.

ابدأ اليوم خلّينا نتّصل فيك

بدون عقد سنة · بدون تغيير أرقامك · التجهيز على شغلك مشمول

موظّفة استقبال بسمّاعة على خطّ المكالمات

مساعد بيردّ بالعربي — مش مجرّد ردّ آليّ على الخطّ الآن ولا مكالمة بتضيع

مكالمة جارية 00:14

زبون مرحبا، بدّي أحجز عند دكتور القلب.

تواصل أهلين فيك بعيادة الشفاء. أكيد — بتفضّل هالأسبوع ولا الجاي؟

زبون هالأسبوع إذا في مجال، ويا ريت بعد الدوام.

تواصل في موعد الخميس الساعة ستّة ونص المسا. بحجزلك ياه؟

✓ انحجز الموعد بنظام العيادة · انبعت تأكيد · وانسجّلت المكالمة بنتيجتها

المشكلة

المكالمة اللي ما بترنّ مرّتين

الزبون اللي ما لقى حدا بيردّ ما بيعاود — بيتّصل باللي بعدك. وأنت ما بتعرف إنّه اتّصل أصلاً.

🌙

بعد الدوام

نُصّ المكالمات بتيجي وقت ما في حدا بالمكتب — مسا، جمعة، أعياد. وكلّها بتروح.

📞

وقت الزحمة

الموظّف على خطّ تاني، والتالت بيسكّر بعد رنّتين. وما في سجلّ إنّه اتّصل.

🔁

أسئلة بتتكرّر كلّ يوم

«شو الدوام؟» «وين موقعكم؟» «قدّيش السعر؟» — بتاكل وقت موظّف كامل.

📭

حوّلته وما ردّ حدا

التحويلة بترنّ بغرفة فاضية، والزبون بيسكّر وهو مستاء. وما بتعرف.

اللي بيميّزنا

وإذا ما ردّ حدا؟

هون بيوقف كلّ «مساعد ذكي» بالسوق. تواصل ما بيوقف — بيضلّ ماشي لحدّ ما يلاقي حدا، وإذا ما لقى بياخد الرقم وبيوعد. وبتشوف الوعد على شاشتك لحدّ ما يتنفّذ.

بيرنّ عند القسم الصحيح

مش رقم واحد. بتعرّف أقسامك، وتحت كلّ قسم موظّفينه بأرقامهم الفرعيّة ودوامهم. المتّصل بدّه محاسبة؟ بيرنّ عند المحاسبة — عند المتاحين منهم بس.

أوّل واحد بيردّ بياخدها

خمس موظّفين بالقسم، اتنين بمكالمة — بيرنّ عند التلاتة الباقيين. واللي بيردّ بتتسجّل المكالمة باسمه، فبتعرف مين بيشتغل ومين لأ.

ما ردّ حدا؟ إنت بتحدّد الخطوة

جوّال المدير، أو الاستقبال، أو قسم تاني — بتكتبها مرّة وبتشتغل لحالها. والجوّال بيرنّ حتّى بعد الدوام، لأنّ هيك المفروض.

وإذا ما حدّدت شي — بيوعد

بياخد رقم المتّصل وشو بدّه، وبيحكيله «بنرجعلك». ما بيسكّر بوجهه وما بيقول «حاول لاحقاً».

وبيضلّ يذكّرك لحدّ ما ترجعله

الوعد بيضلّ على شاشتك: «في عميل لازم ترجعو تتّصلو فيه». ما بيختفي بمرور الوقت — بيختفي لمّا يتنفّذ.

الخدمات

شو بيعمل تواصل بالضبط

مش «مساعد ذكي» بشكل عامّ — هاي الشغلات اللي بينفّذها على هاتفك من أوّل يوم.

🛎️

تلقّي الطلبات وتسجيلها

بياخد الطلب كامل من المتّصل، بيسجّله باسمه ورقمه وتفاصيله، وبيحوّله للقسم المختصّ. والطلب بينكتب بنظامك أنت إذا كنّا موصولين فيه.

📅

حجز المواعيد

بيشوف الأوقات الفاضية بنظامك، بيعرضها على المتّصل، وبيحجز — جوّا المكالمة. وبيأكّدله الموعد قبل ما يسكّر.

⏰ قريباً

التذكير بالموعد

مكالمة تذكير قبل الموعد بيوم، وتأكيد أو إعادة جدولة بنفس المكالمة.

🗂️

استقبال الشكاوى

بيسمع الشكوى كاملة، بيسجّلها بنصّها، بيقيس إذا الزبون معصّب، وبيرفعها للمسؤول فوراً إذا كانت جدّية.

🔧

بلاغات الأعطال ومتابعتها

بيفتح بلاغ بنظام الصيانة عندك، بيعطي الزبون رقم البلاغ، وبيحوّله للدعم الفنّي. وإذا ما ردّ حدا — بيضلّ البلاغ مفتوح بلوحتك لحدّ ما يتسكّر.

❓

الأسئلة المتكرّرة

الدوام، الموقع، الأسعار، شو بتقدّموا — بيجاوب فوراً بلا ما يحوّل. بتكتب الأجوبة مرّة بلوحتك وخلص.

↪️

التحويل الذكي والتصعيد

بيحوّل للقسم الصحيح. ما ردّ الموظّف؟ بيروح للاستقبال. ما ردّ حدا؟ بيرجع للمتّصل بياخد رقمه وبيكتب طلبه — ما بيتركه معلّق.

📊

تقارير ومزاج المتّصلين

كلّ مكالمة إلها نتيجة مكتوبة، وكلّ قسم إله تقرير. وبتعرف مين سكّر مستاء وأيّ قسم بيخلّي الزباين ينرفزوا. وبتصدّر PDF أو Excel.

🔌

الربط بنظامك

بيقرأ ويكتب بنظام الحجوزات أو المخزون أو الصيانة اللي عندك — جوّا المكالمة. وإذا نظامك قديم وما إله API، منوصل عالقاعدة مباشرة.

واتساب

المكالمة ما بتخلص لمّا تسكّر الخطّ

التأكيد بيروح واتساب من الرقم الرسميّ لشركتك، بنفس لحظة الحجز. والزبون بيردّ بكلمة وحدة — والموعد بيتغيّر بالتقويم لحاله. ما في موظّف بيفتح شي ولا بيكتب شي.

✅

كلمة وحدة بتكفي

«أكّد» أو «غيّر» أو «ألغي». بيردّ الزبون، وبيتحدّث الموعد بالتقويم بنفس اللحظة — وبتشوفه بلوحتك متأكّد.

📵

وبيعرف مين ما بيوصله

الرقم اللي ما بيوصله واتساب بينتسجّل. فما بتضلّ تبعتله وتنطر ردّ ما بيجي — بتعرف إنّه لازم مكالمة.

🔕

وما منزعج حدا

ساعات هدوء، وسقف بالدقيقة، و«لا تتواصلوا معي» بتُحترَم. والعروض ما بتنبعت إلّا لمين وافق — تأكيد موعده شي، والإعلان شي تاني.

🏷

من رقمك إنت الرسميّ

واجهة واتساب للأعمال الرسميّة (Meta) — مش رقم مجهول ولا تطبيق تاني. الزبون بيشوف اسم شركتك.

مخطّط المكالمة

شوف مسار مكالمتك — من اللوحة نفسها

هاي نفس الشاشة اللي بتفتحها بلوحتك: كلّ خطوة بتمرّ فيها المكالمة وحالتها — جاهز، أو ناقص شي، أو مدفوع وما بيشتغل. وبتعرف من أوّل نظرة وين المشكلة قبل ما زبونك يكتشفها.

مسار المكالمة — خطوة خطوة

كلّ خطوة بتشوفها بلوحتك

القطاعات

لمين تواصل؟

لأيّ شغل بيرنّ هاتفه أكتر ممّا يقدر يردّ. وهاي القطاعات اللي منشوف فيها أكبر فرق.

🛠️

الدعم الفنّي والصيانة

البلاغات والاستفسارات بتيجي بأيّ وقت، وأكترها بعد الدوام، وما في حدا يفتحها ولا يحوّلها.

← بيفتح البلاغ بنظامك، بيعطي الزبون رقمه، وبيحوّله للفنّي المناوب. والبلاغ بيضلّ مفتوح بلوحتك لحدّ ما يتسكّر.

🏥

المستشفيات

مقسم بعشرات الأقسام، والمتّصل بيضيع بين التحويلات وبيسكّر.

← بيفهم شو بدّه بالعربي، وبيحوّله للقسم الصحيح من أوّل مرّة. وإذا القسم ما ردّ، بياخد رقمه ويسجّل طلبه.

🛍️

المحلّات التجارية

«عندكم هالمقاس؟» «وين فرعكم؟» «قدّيش السعر؟» — والموظّف بالمحلّ مع زبون.

← بيجاوب عن التوفّر والأسعار والفروع، وبياخد طلب حجز قطعة، وبيسجّل رقم كلّ زبون سأل عن شي مش متوفّر.

🍽️

المطاعم

وقت الذروة الهاتف مشغول، والطلبات بتضيع وقت ما بتكون أكتر شي.

← بياخد الطلب كامل بالعنوان والتفاصيل، وبيحجز طاولة، وبيجاوب عن المنيو وأوقات التوصيل — ولو اتّصلوا عشرة بنفس اللحظة، كلّهم بيلاقوا ردّ.

🩺

العيادات

المرضى بيتّصلوا بعد الدوام لحجز موعد، وما بيلاقوا حدا، وبيحجزوا بعيادة تانية.

← بيحجز الموعد بنظامك، بيجاوب عن الأسعار والتأمين والدوام، وبيسجّل كلّ حالة عاجلة للطبيب.

🧪

المختبرات

نُصّ المكالمات: «جهزت النتيجة؟» و«قدّيش سعر الفحص؟» — بتاكل الموظّف كلّ يوم.

← بيجاوب عن أسعار الفحوصات وشروط الصيام، وبيقلّهم إذا النتيجة جاهزة من نظامكم، وبيحجز سحب عيّنة.

التدريب

مش بس بيردّ — بتدرّبه.

تواصل بيطلع من عندك وهو ما بيعرف شغلك. بتعلّمه إيّاه من لوحتك بنفسك، بالعربي، بدون مبرمج — وبتقدر تخلّيه موظّف دعم فنّي بيحلّ مشاكل، مش بس بيحوّل مكالمات.

📚

علّمه أجوبتك

بتكتب السؤال وجوابه بلوحتك — «قدّيش بتاخد الصيانة؟»، «شو بيغطّي الضمان؟» — وبيصير يجاوب فيه حرفيّاً. لكلّ قسم معرفته لحاله.

🗣

علّمه مصطلحاتك

أسماء منتجاتك وموديلاتك ورموزك — بتقلّه كيف بتنكتب وكيف بتنلفظ، فما بيسمع «إم-في-آر» غلط ولا بيسجّل موديل مكسور.

🔌

وصّله بنظامك

بيقرأ من نظامك: حالة الطلب، رصيد الفاتورة، إذا النتيجة جاهزة. وبيكتب فيه: بيفتح تذكرة، بيسجّل بلاغ، بيحجز موعد — وبيعطي الزبون رقم التذكرة قبل ما يسكّر.

🧭

وقلّه إمتى يتصرّف

لكلّ فعل بتكتب «إمتى تستعمله» بالعربي، فبيعرف يميّز بين استفسارٍ بيحلّه لحاله وبين حالةٍ لازم توصل لفنّي. واللي ما بيعرفه ما بيخترعه — بياخد الرقم ويسجّله.

التركيب

كيف بيصير شغّال عندك

بيوم أو يومين — وبدون ما تغيّر رقمك ولا مقسمك.

منحكي معك

مكالمة وحدة: أقسامك، تحويلاتك، أكتر عشر أسئلة بتتسأل، واللهجة والصوت اللي بدّك ياهم.

منوصل رقمك

منوصل تواصل على المقسم اللي عندك، وبيحوّل على نفس التحويلات. ما في تغيير أرقام ولا أجهزة.

بتسمعه وبتظبّطه

بتتّصل وبتسمعه بنفسك. وأيّ شي بدّك تغيّره — جواب، لهجة، صوت، قسم — بتغيّره من لوحتك وبيسري عالمكالمة الجاية.

الصوت واللهجة

بيحكي زي زبائنك

مش فصحى ومش روبوت. عامّية حقيقية، وبيتعلّم مصطلحات شغلك — أسماء الفحوصات، الموديلات، اختصاراتكم الداخلية — فبيسمعها صحّ من أوّل مرّة.

🇯🇴 شاميّة · الأردن · فلسطين · لبنان · سوريا 🇪🇬 مصريّة · مصر 🇸🇦 خليجيّة · السعودية · الإمارات · الكويت · قطر · البحرين · عُمان 🇲🇦 مغاربيّة · المغرب · الجزائر · تونس 🕌 فصحى مبسّطة · كلّ البلدان — للجهات الرسمية 🎙️ ٧ أصوات · ٤ رجالية و٣ نسائية 🔤 عربي وإنجليزي · بيبدّل بنُصّ الجملة زي ما بيحكي الناس

الأمان

بياناتك وبيانات زبائنك

🔒

مكالماتك ملكك

كلّ شركة بتشوف مكالماتها هي بس. ولا منستعمل مكالماتك لتدريب أيّ نموذج.

🏢

أو على سيرفرك أنت

للبنوك والجهات اللي بتشترط: منركّبه جوّا شبكتكم، وبياناتكم ما بتطلع منها أبداً.

🔑

ما بيشوف أرقام تحويلاتك

الذكاء الاصطناعي بيختار اسم القسم بس — والنظام وحده بيترجمه لرقم. فما في طريقة يحوّل فيها لرقم برّا شركتك.

📄

كلّ شي مسجّل — حتّى شغلنا احنا

كلّ مكالمة ونتيجتها مكتوبة ومؤرّخة. وكمان: لو حدا من عنّا فتح لوحتك للدعم، بينكتب مين ومتى ومن أيّ عنوان.

🗓

إنت بتحدّد كم بنحتفظ

بتكتب رقم — ٣٠ يوم، ٩٠، سنة — وبعدها بينمحي نصّ المكالمة وملخّصها ورقم المعاودة تلقائياً. الدقائق والنتيجة بيضلّوا، فالفاتورة والتقارير ما بتتأثّر. والمحو نفسه بينكتب بالسجلّ.

🛡

حارس على فاتورة اتّصالك

أشهر اختراق بمراكز الاتّصال مش سرقة بيانات — سرقة دقائق: حدا بيطلب أرقام غالية بيملكها هو، ليلة الجمعة. عنّا وجهات محظورة ما بتنفتح بأيّ إعداد، وقائمة بلدان مسموحة، وسقف بالساعة وباليوم — وبيوصلك إنذار قبل ما تصير فاتورة.

الأسعار

أسعار واضحة

بدون رسوم تركيب، وبدون عقد سنة، وبتوقف أيّ وقت.

عرض سعر مكتوب خلال يوم، محسوب على مكالماتك أنت

احكيلنا شو شغلك وكم مكالمة بتوصلك بالشهر. بنرجعلك بعرض واضح: الدقايق المشمولة، سعر الدقيقة الزايدة، ومحرّك الصوت اللي بيناسبك. بلا رسوم تركيب، وبلا عقد سنة، وبتوقف أيّ وقت.

اطلب عرض سعرك

أسئلة

أسئلة بتتسأل كتير

؟بدّي أغيّر مقسمي ولا أرقامي؟

لأ. منوصل تواصل على المقسم اللي عندك، وبيحوّل على نفس التحويلات اللي بتستعملها. ما في تغيير أرقام ولا أجهزة جديدة.

؟شو بيصير لو ما فهم المتّصل؟

بيعتذر وبيسأل مرّة تانية، وبعد مرّتين بيحوّله لموظّف. وما بيخترع جواب أبداً — إذا ما بيعرف بيقول ما بيعرف وبيحوّل.

؟وإذا في ضجّة أو موسيقى بالخلفية؟

بيميّز صوت المتّصل عن الأصوات اللي حواليه، وما بيردّ على كلام مش موجّه إله. ولو الصوت مش واضح بيطلب منه يعيد.

؟بيقدر يحكي مع أكتر من واحد بنفس الوقت؟

آه. لو اتّصلوا عشرة بنفس اللحظة، كلّهم بيلاقوا ردّ فوراً. ما في انتظار ولا «الخطّ مشغول».

؟بياخد قدّيش لحتّى يشتغل؟

يوم أو يومين. منحكي معك عالأقسام واللهجة والأسئلة الشائعة، وبنوصلك، وبتجرّبه بنفسك قبل ما تدفع شي.

؟كم بيكلّف؟

من ٤٩ دولار بالشهر، والدقيقة الزايدة سعرها مكتوب بصفحة الأسعار — مش بالفاتورة. وما منقطع خطّك لو خلصت الدقايق.

كلّ مكالمة بتلاقي جواب. حتّى بعد الدوام.